कौशल्याची कला !

(४) रिटेल स्टोअर ऑपरेशन प्रमाणपत्र- अभ्यासक्रमाचा कालावधी तीन महिने. रिटेल उद्योग/व्यवसायाच्या गरजा लक्षात घेऊन, या अभ्यासक्रमाची संरचना करण्यात आली आहे. रिटेल क्षेत्रातील रोजगारासाठी आवश्यक असलेले कौशल्य आणि ज्ञान या अभ्यासक्रमाच्या माध्यमातून प्रदान केले जाते. विषेशत: रिटेल विक्री कार्यान्वयन आणि ग्राहक सेवेवर अधिक भर दिला जातो. प्रत्यक्ष कामावरचे प्रशिक्षण, हे, या अभ्यासकमाचे वैशिष्ट्य आहे. त्यामुळे, या उद्योग/व्यवसायातील सर्व बारकावे विद्यार्थ्यांना अभ्यासणे शक्य होते. हा अभ्यासक्रम ठाणे, पुणे आणि नागपूर येथील कॅम्पसमध्ये करता येतो.

(५) बीबीए इन फॅसिलिटी मॅनेजमेंट-

या विद्यापीठाच्या संत गाडगेबाबा स्वच्छ भारत कौशल्य प्रबोधिनी मार्फत, सेवासुविधा क्षेत्रासाठी आवश्यक असणारे कौशल्य विकसित केले जाते. स्वच्छ भारत मिशनमार्फत देशाला अधिक आरोग्यदायी केले जात आहे. त्यापासून प्रेरणा घेऊन ही प्रबोधिनी कार्यरत आहे. महाराष्ट्र कौशल्य विकास सोसायसिटीच्या सहकार्याने, सेवासुविधा क्षेत्रातील वेगवेगळे अभ्यासक्रम सुरु करण्यात आले आहेत. याक्षेत्रात करिअर करण्यासाठी, या अभ्याक्रमातून मिळणारे ज्ञान उपयुक्त ठरु शकते. या क्षेत्रातील उद्योगाच्या गरजा लक्षात घेऊन अभ्यासक्रमाची संरचना करण्यात आली आहे. प्रत्यक्ष कामाच्या प्रशिक्षणावर भर दिला जातो. हा अभ्यासक्रम, बीव्हीजी इंडिया लिमिटेड या कंपनीच्या सहकार्याने सुरु करण्यात आला आहे. या अभ्यासक्रमाचा कालावधी चार वर्षांचा आहे. एक महिन्याच्या कालावधीचे फॅसिलिटी सुपरवायझर आणि सेक्युरिटी सुपरवायझर हे अभ्यासक्रमही करता येतात.

६) पदव्युत्तर पदवी

एमबीए अभ्यासक्रम, केपीएमजी, प्रायमस पार्टनर आदित्य बिर्ला ग्रुप, टाटा-ट्रेन्ट लिमिटेड, एमएसआयएनएस, आय स्पार्क फाउंडेशन, या संस्थांच्या सहकार्याने सुरु करण्यात आला आहे. हा अभ्यासक्रमांतर्गत (१) बिझिनेस ॲनॅलिटिक्स, (२) फायनांशिअल मॅनेजमेंट, (३) न्यू एज मार्केटिंग, (४) इनोव्हेशन ॲण्ड न्यू व्हेंच्युर मॅनेजमेंट, या विषयांमध्ये स्पेशलायझेशन करता येते.

अभ्यासक्रम पूर्ण केल्यावर व्यवस्थापकीय स्तरावरील करिअर सुरु व्हावे, या अनुषंगाने या अभ्यासक्रमातील विषयघटकांच्या माध्यमातून कौशल्य प्रदान केले जाते. या अभ्यासक्रमाच्या कालावधित, (१) डिझाइन थिंकिंग, (२) डिजिटल टूल्स ॲण्ड टेक्निक्स, (३) गुगल ॲड्स, (४) गुगल ॲनॅलिटिक्स, (५) हब स्पॉट, (६) पॉयथॉन, (७) आर- प्रोग्रॅमिंग, ही प्रमाणपत्रे प्रदान केली जातात. इन्फ्ल्युंसर मार्केटिंग आणि कंटेंट मार्केटिंगचे ज्ञान प्रदान केले जाते. ९ महिन्याचे प्रत्यक्ष कामावरचे प्रशिक्षण घेणे बंधनकारक आहे. बिझिनेस ॲनॅलिटिक्स अभ्यासक्रमाचे बहुतांश विद्यार्थी कंसल्टिंग कंपन्यांमध्ये कार्यरत आहेत. एमबीए अभ्यासक्रम नवी मुंबई आणि नागपूर कॅम्पस मध्ये करता येतो.

हा अभ्यासक्रम पूर्ण करणारे विद्यार्थी एनएसक्यूफ स्तर -६ प्राप्त करतात. ज्या विद्यार्थ्यांना एक वर्षानंतर अभ्यासक्रमातून बाहेर पडायचे असेल, त्यांना पदव्युत्तर पदविका प्रदान केली जाते. अर्हता- या अभ्यासक्रमाला कोणत्याही विषयातील पदवीधर प्रवेश घेऊ शकतो.

हा अभ्यासक्रम केलेल्या विद्यार्थ्यांना पुढील कौशल्ये प्राप्त होतात- (१) प्रगत संवाद कौशल्य आणि वाटाघाटी कौशल्य ,(२) विश्लेषणात्मक कौशल्य, (३) डिजिटल मार्केटिंग, (४) डिझाइन थिकिंग, (५) नवीन व्यवसाय उभारणी, (६) डाटा (माहिती साठा) खोदकाम साधने आणि तंत्र, (७) डिजिटल विपणन (मार्केटिंग) साधने आणि तंत्र, (८) व्‍यवसाय कुशाग्रता,

प्रवेशासाठी सीयुइटी पोस्ट ग्रॅज्युएट परीक्षेतील गुणाचा प्रारंभिक चाळणीसाठी केला जातो. मुलाखतीनंतर अंतिम निवड केली जाते. अर्ज ऑनलाइन करावा लागतो.

संपर्क– (१) महाराष्ट्र कौशल्य विद्यापीठ एलफिंस्टन टेक्निकल स्कूल, मेट्रो चौक, महापालिका मार्ग, धोबी तलाव, मुंबई- ४००००१, संकेतस्थळ- https://mssu.ac.in,  (२) संत गाडगेबाबा स्वच्छ भारत कौशल्य प्रबोधिनी, रतन टाटा महाराष्ट्र राज्य कौशल्य विद्यापीठ, शासकीय आयटीआय- कोपरी स्टेशन रोड, साधू वासवानी नगर, कोपरी ठाणे- ४००६०३, (३) आयटीआय, नांगरगाव, लोणावळा, कुसगाव बुद्रुक- ४१०४०१, (४) महाराष्ट्र कौशल्य  विद्यापीठ, पुणे विद्यापीठ परिसर, पिंपळे,गौरव स्मार्ट सेंटर इमारत, राजमाता जिजाऊ उद्यानाच्या विरुध्द दिशेला, पिम्पळे गौरव रोड, काशिद नगर पिंपरी चिंचवड- ४११०६१, (५) जयप्रकाश नगर मेट्रो स्टेशन दुसरा माळा नागपूर- ४०००२५

सुरेश वांदिले