बीएस्सी- एलएलबी (ऑनर्स) इन डाटा सायंस ॲण्ड लॉ.
नॅशनल फॉरेंसिक सायंस युनिव्हर्सिटी, ही संस्था भारत सरकारच्या गृह विभागांतर्गत कार्यरत असणारी स्वायत्त संस्था आहे. या संस्थेस राष्ट्रीय महत्वाची शैक्षणिक संस्था असा दर्जा देण्यात आला आहे. या संस्थेच्या, स्कूल ऑफ लॉ, फॉरेंसिक जस्टिस आणि् पॉलिसी स्टडीज मार्फत “पाच वर्षे कालावधीचे पुढील इंटिग्रेटेड म्हणजेच एकात्मिक अभ्यासक्रम” सुरु करण्यात आले आहेत-
१) बीएस्सी- एलएलबी (ऑनर्स) इन डाटा सायंस ॲण्ड लॉ. हा अभ्यासक्रम गांधीनगर कॅम्पस येथे करता येतो.
२) बीबीए-एलएलबी (ऑनर्स).हा अभ्यासक्रम दिल्ली कॅम्पस येथे करता येतो.
३) एलएलएम (साबर लॉ ॲण्ड सायबर क्राइम इनव्हेस्टिगेशन) गांधीनगर कॅम्पस
४) एलएलएम (क्रिमिनल लॉ ॲण्ड क्रिमिनल जस्टीस ऑनर्स) गांधीनगर आणि दिल्ली कॅम्पस
अर्ज करण्याची शेवटची तारीख ३१ मार्च २०२४
संकेतस्थळ- www.nfsu.ac.in
५)एमएस्सी इन फॉरेंसिक डेंटेस्ट्री
या अभ्यासक्रमाचा कालावधी दोन वर्षे. अर्हता- बॅचलर ऑफ डेंटल सर्जरी या विषयात खुला संवर्ग इतर मागास वर्ग आणि आर्थिकदृष्ट्या कमकुवत घटकातील विद्यार्थ्यांना किमान ५५ टक्के गुण व अनुसूचित जाती आणि जमाती घटकांसाठी ५० टक्के गुण मिळणे आवश्यक.
६) एमएस्सी इन फॉरेंसिक नर्सिंग
या अभ्यासक्रमाचा कालावधी दोन वर्षे. अर्हता-बॅचलर ऑफ सायंस इन नर्सिंग या विषयात खुला संवर्ग इतर मागास वर्ग आणि आर्थिकदृष्ट्या कमकुवत घटक किमान ५५ टक्के गुण व अनुसूचित जाती आणि जमाती घटकांसाठी ५० टक्के गुण मिळणे आवश्यक.
संपर्क- स्कूल ऑफ मेडिको लिगल स्टडीज,नॅशनल फॉरेंसिक युनिव्हर्सिटी सेक्टर ९ गांधीनगर-३८२००७
०००
पीएम यंग ॲचिव्हर्स ॲवार्ड
सामाजिक न्याय व सक्षमीकरण विभागामार्फत पीएम यंग ॲचिव्हर्स ॲवार्ड स्किम फॉर व्हायब्रंट इंडिया(यशस्वी)अंतर्गत इतर मागासवर्ग, आर्थिकदृष्ट्या मागास वर्ग आणि भटक्या विमुक्त जाती(डीएनटी)सवंर्गातील ज्या मुलांना राष्ट्रीय महत्वाचा शैक्षणिक संस्थांमध्ये प्रवेश मिळतो,त्यांना शिष्यवृत्ती दिली जाते. या संस्थांमध्ये इंडियन इंस्टिट्यूट ऑफ मॅनेजमेंट,इंडियन इंस्टिट्यूट ऑफ टेक्नॉलॉजी, इंडियन इंस्टिट्यूट ऑफ इन्फॉर्मेशन टेक्नॉलॉजी,अशा सारख्या संस्थांचा समावेश आहे.या संस्थांची यादी socialjustice.gov.in या संकेस्थळावर उपलब्ध करुन देण्यात आली आहे.
अर्थसाहाय्याचे स्वरुप
यामध्ये पुढील बाबींचा समावेश आहे (१) शिक्षण शुल्क, (२) ना परतावा खर्च. खासगी क्षेत्रातील संस्थांमध्ये प्रवेश घेतलेल्या विद्यार्थ्यांना कमाल २ लाख रुपये, खाजगी क्षेत्रातील कमर्शिअल पायलट ट्रेनिंग व टाईप रेटिंगचे प्रशिक्षण देणाऱ्या फ्लाईंग क्लबसाठी कमाल ३ लाख ७२ हजार रुपये (३) दरमहा ३ हजार रुपये निर्वाह भत्ता, (४) पुस्तके आणि लेखनसामग्री खरेदीकरीता दरवर्षी ५ हजार रुपये, (५) अभ्यासक्रमाच्या कालावधीत फक्त एका वेळेसाठी संगणक/लॅपटॉप खरेदीसाठी ४५ हजार रुपये
या शिष्यवृत्तीसाठी संबंधित संस्थेतील प्रवेशासाठी घेण्यात आलेल्या चाळणी परीक्षेतील गुण ग्राह्य धरले जातात. यासाठी संबंधित विद्यार्थ्याने scholarship.gov.in या संकेतस्थळावर नोंदणी करणे आवश्यक आहे. ही शिष्यवृत्ती थेट दिली जाते.
०००
एआय आणि चॅट जीपिटी ट्रेनिंग
हे अल्पकालावधीचे प्रशिक्षण एमएसएमई(मायक्रो,स्माल ॲण्ड मीडियम एन्टरप्रायझेस) टेक्नॉलॉजी सेंटर मार्फत आयोजित करण्यात येते.या प्रशिक्षणाचा कालावधी दोन दिवसांचा असतो.हे प्रशिक्षण ऑनलाइन पध्दतीने करता येते.या अभ्यासक्रमात पुढील विषय घटकांचा समावेश आहे-(१)आर्टिफिशिअल इंटेलिजन्स टूल्स टुल्स ॲण्ड चॅट जीपिटी-कृत्रिम प्रज्ञेची साधने, (२) कृत्रिम प्रज्ञेचे फायदे आणि मर्यादा, (३) प्रभावी चॅटजीपिटी तत्पर लिखानासाठीची सूत्रे,(४)चॅटजीपिटीच्या साहाय्याने समाजमाध्यमांसाठी प्रभावी आशयाची निर्मिती, (५)चॅट जीपिटीच्या साहाय्याने यू्ट्युबसाठी आशयाची निर्मिती, (५) चॅटजीपिटीच्या साहाय्याने विशिष्ट शब्दाच्या (की वर्ड्स) अनुषंगाने शोध कसा घेणार? (६)ईमेल विपणन आराखड्याची निर्मिती, (७)चॅटजीपिटीच्या साहाय्याने इन्स्टाग्रॉम रीलसाठी आशय निर्मिती, (७)जाहिरातीची रुपरेखा कशी तयार करणार? (८)चॅट जीपिटी आणि नैतिकता .या शिवायही इतर अनेक विषय घटकांचा यामध्ये समावेश करण्यात येतो. अभ्यासाचे साहित्य ईमेलवर पाठवले जाते.प्रशिक्षण पूर्ण झाल्यावर भारत सरकारचे प्रमाणपत्र दिले जाते.
०००
स्वयंरोजगारासाठी उपयुक्त
सूक्ष्म-लघु आणि मध्यम उद्योजकता मंत्रालयाच्या अंतर्गत कार्यरत असणाऱ्या सी.बी.कोरा ग्रामोद्योग संस्थेमार्फत पुढील रोजगार आणि स्वयंरोजगारासाठी उपयुक्त ठरतील असे प्रशिक्षण चालवले जातात-
(१)हॅण्ड एम्ब्रॉयडरी कोर्स– यामध्ये एम्ब्रॉयडरीचा सैध्दांतिक तपशील, ३५ प्रकारचे टाके एम्ब्रॉयडरी करण्याचे तंत्र आणि कौशल्य,मूल्य निर्धारण आणि विपणन आदी विषय घटकांचा समावेश आहे. कालावधी दहा दिवस.
संपर्क- ९८३३७८९५७५,दूरध्वनी ०२२-२८९८८५८१
(२) मसाला मेकिंग कोर्स
यामध्ये पुढील विषय घटकांचा समावेश आहे-(१)पावभाजी मसाला, (१)छोले मसाला, (२)तंदूर मसाला, (३)चहा मसाला, (३)केसरी दुध मसाला, इत्यादी.एकूण १२ मसाला प्रकार शिकवले जातात.या शिवाय अतिरिक्त मसाला पाककृतीही शिकवली जाते.उद्योग सुरु करण्यासाठी संपूर्ण मार्गदर्शन केले जाते.शासकीय परवाना आणि नाममुद्रा(ब्रँडिंग)साठीही साहाय्य केले जाते.कर्ज योजनेची माहिती दिली जाते.साधारणत:५० लाख रुपयांपर्यंतचे कर्ज कसे उपलब्ध होईल व त्यावर कितीअनुदान दिले जाईल याचे मार्गदर्शन केले जाते
संपर्क-९८६९५४६९५९
(३) ॲडव्हान्स्ड बेकरी आणि केक आयसिंग
बेकरी उत्पादने आणि केकला असलेली प्रचंड मागणी लक्षात घेतली तर या क्षेत्रात रोजगार आणि स्वयंरोजगाराच्या विपुल संधी आहेत. या विषयाचे रितसर प्रशिक्षण घेतल्यास, या व्यवसायात पाऊल टाकणं सहज शक्य होऊ शकतं. हे प्रशिक्षण आठ दिवसाचं आहे. प्रशिक्षण पूर्ण केलेल्या विद्यार्थ्यांना शासनाचं प्रमाणपत्रं दिलं जातं.
काय शिकाल?
(१) फोकाशिआ ब्रेड, (२) स्टार पिज्जा, (३) डॉल केक, (४) मिरर ग्लेज, (५) चॉकलेट ट्रफल, (६) डेकोरेटिव्ह कप केक, (७) डोनट्स, (८) ॲपल पाय, (९) मूस, (१०) चिज केक.ईत्यादी
या प्रशिक्षणात प्रात्यक्षिकावर भर दिला जातो. उद्योग /व्यवसाय सुरु करण्यासाठी संपूर्ण सहकार्य व मार्गदर्शन केलं जातं. शासकीय कर्ज कसं मिळावयचं, याबाबतही मार्गदर्शन केलं जातं. या प्रशिक्षणाचा कालावधी आठ दिवसांचा असतो.
संपर्क – सी.बी.कोरा,ग्रामोद्योग संस्थान, शिंपोली गाव, म्युनसिपल शाळेसमोर बोरिवली पश्चिम.भ्रमणध्वनी-९८६९४५६९५९
०००
जैवतंत्रज्ञानातील प्रशिक्षण
रिजनल सेंटर फॉर बायोटेक्नॉलॉजी डिपार्टमेंट ऑफ बायोटेक्नॉजी या केंद्रिय संस्थेमार्फत कौशल्य विज्ञान या योजनेंतर्गत जैवतंत्रज्ञान विषयाशी निगडित जैवतंत्र औद्योगिक प्रशिक्षण कार्यक्रम चालवला जातो. याअंतर्गत विद्यार्थ्यांना जैवतंत्र उद्योगात प्रशिक्षण दिलं जातं. जैवतंत्रज्ञान विषयात बीई/ बीटेक/ एम.एस्सी/ एम.टेक/एम.व्हीएसी / एमबीए अशा पदवी घेतलेले विद्यार्थी या योजनेचा लाभ घेउु शकतात. जैवतंत्र उद्योगात तज्ज्ञांसोबत प्रत्यक्ष काम करण्याची संधी मिळते आणि या क्षेत्रात कार्यरत होण्यासाठी आवश्यक असणारा आत्मविश्वासही मिळतो. हे प्रशिक्षण सहा महिन्याच्या कालावधीचं आहे. याचा संपूर्ण खर्च भारत सरकारमार्फत केला जातो. शिवाय शासनाकडून या सहा महिन्यांसाठी दरमहा १० हजार रुपये विद्यावेतन दिलं जातं. ते प्रशिक्षण पूर्ण केल्यावर वितरित केलं जातं. याशिवाय संबंधित कंपनीकडूनही दरमहा ९ हजार रुपये अशाच पध्दतीने विद्यावेतन दिलं जातं. हे प्रशिक्षण यशस्वीरीत्या पूर्ण केल्यावर नॅशनल स्किल क्वालिफिकेश फ्रेमवर्क अंतर्गत अप्रेंटिसशीप सर्टिफिकेट दिलं जातं. इच्छूक विद्यार्थ्यांना उपरोक्त नमूद पदवी परीक्षेत किमान ६० टक्के गुण मिळायला हवेत. bitp23.onlineapplicationform.org/BITP या संकेतस्थळावर जाउुन अर्ज भरावा लागतो. ईमेल
०००
जैवतंत्रज्ञान संशोधन
राजीव गांधी सेंटर फॉर बायोटेक्नॉलॉजी या संस्थेत जैव तंत्रज्ञान विषयातील विविध घटकांमध्ये संशोधन करण्याची संधी उपलब्ध करुन दिली जाते. यामध्ये डिजिस बायलॉजी, न्युरोसायंस, प्लँट सायंस, बायोईन्फॉर्मेटिक्स अशा सारख्या घटकांचा समावेश आहे. जैवविज्ञान, औषधीनिर्माण, पशुवैद्यकीय, वैद्यकीय, जैवरसायनशास्त्र, जैवतंत्रज्ञान, जैवभौतिकशास्त्र, जैवसूचनाशास्त्र, सूक्ष्मजीवशास्त्र या विषयातील पदव्युत्तर पदवीधर या संशोधन अभ्यासक्रमासाठी अर्ज करु शकतात. त्यांना या परिक्षेत किमान ६० टक्के गुण मिळणे आवश्यक आहे. विद्यार्थ्यांना ज्युनिअर रिसर्च फेलोशीपमध्ये सुयोग्य गुण मिळणे आवश्यक आहे. संपर्क-www.rgcb.rec.in
सुरेश वांदिले
०००