नॅशनल इंस्टीटयूट ऑफ फॅशन टेक्नॉलाजी(एनआयएफटी) ,ही फॅशन डिझाइन, तंत्रज्ञान या विषयातील पदवी,पदव्युत्तर पदवी व संशोधन (पीएचडी)चे अभ्यासक्रम चालवणारी आपल्या देशातील सर्वोत्कृष्ट संस्था.
या संस्थेने सुरु केलेला, “बॅचलर आफ डिझाइन इन फॅशन कम्युनिकेशन” हा अभ्यासक्रम फॅशन व जीवनशैली(लाइफ स्टाइल) उद्योगांतील विविधांगी करिअर संधी उघणारं प्रवेशव्दार ठरत आलाय.
आजच्या काळात एखाद्या कंपनीच्या ब्रँडची ओळख ठसठशीतपणे रुजवणं हे ब्रँड किंवा वस्तूच्या विक्री इतकच महत्वाचं तर काहींच्या मते त्यापेक्षाही अधीक महत्वाचं ठरतय. भारतात सातत्यानं विविध वस्तू किंवा उत्पादन मार्केटमध्ये येतात. त्यापैकी प्रत्येकास स्वत:ची वेगळी अशी ओळख म्हणजेच ब्रँड आयडेंटी निर्माण करणं अतिशय गरजेचं असतं. त्यामुळे ही वस्तू सतत ग्राहकांच्या नजरेच्या टप्प्यात राहते. परिणामी अधीकाधीक ग्राहक या वस्तूकडे आकर्षीत होऊ शकतात. फॅशन कम्युनिकेटरला या अनुषंगाने अत्यंत महत्वाची भूमिका बजवावी लागते. कंपनीला आपली वस्तू किंवा उत्पादनाबद्दल ग्राहकांशी प्रभावीपणे संवाद साधणं, त्यासाठी व्युहनीती तयार करुन सुयोग्य प्लॅटफॉर्म उपलबध करुन देणं यावर लक्ष केंद्रित करावं लागतं.
फॅशन कम्युनिकेटरला ,ग्रॅफिक डिझाइन, स्पेस डिझाइन, फॅशन मीडीया व फॅशन थीकिंग या चार घटकाचं सखोल ज्ञान आवश्यक ठरतं. हस्तकौशल्य व डिजिटल कौशल्य हस्तगत करण्यासाठी त्याला या संपादित ज्ञानाचा प्रत्यक्ष वापर व सराव आधारीत दृष्टीकोनाची गरज असते. या अनुषंगानं या अभ्यासक्रमाची संरचना करण्यात आलीय.
या क्षेत्रातील उद्योगातील प्रत्यक्ष भेटीचा कालावधी वाढवण्यात आलाय. उद्योगाशी संबंधीत प्रकल्प व या उद्योगातील तज्ज्ञांच्या व्याख्यानांवर भर दिला जातो. आता नव्यानं या क्षेत्रातील इंटर्नशीप व ग्रॅज्युएट प्रकल्प हा अत्यावश्यक भाग समजला जाईल. तिसऱ्या सत्रापासूनच उद्योग क्षेत्राशी संपर्क वाढवण्यावर भर दिला जाईल. हा अभ्यासक्रम केलेले विद्यार्थी हे चैतन्यशील व्यावसायीक म्हणून कार्य करण्यास सक्षम होतात. ते फॅशन, जीवनशैली उद्योग व इतरांनासुध्दा अतिशय प्रभावी व आर्थीकदृष्ट्या परवडणाऱ्या कम्युनिकेशन संकल्पना सुचवू शकतात नि त्या प्रत्यक्ष कार्यान्वीत करु शकतात.
विषय घटक
या अभ्यासक्रमामध्ये पुढील मुख्य विषय घटकांचा समावेश आहे -(१) ग्रॅफिक डिझाइन, (२) व्हीज्युअल मर्कंडायजिंग, (३) ॲडव्हर्टायजिंग स्पेस डिझाइन, (४) फोटोग्रॅफी, (५) फॅशन जर्न्यालिझम, (६) फॅशन स्टायलिंग ॲण्ड फॅशन थींकिंग, (७) इंटरॲक्टीव्ह डिझाइन, (८) न्यू मीडिया डिझाइन. या विषय घटकांमुळे, विद्यार्थ्यास, “दृष्यात्मक अभीकल्प व्युहनीतीकार (व्हीज्युअल डिझाइन स्ट्रॅटेजिस्ट)” म्हणून कार्यरत होणं शक्य होतं. फॅशनच्या अनुषंगाने विचारशैली विकसीत करता येणं शक्य होतं. यात संस्कृतीच्या विविधांगी पैलुंचा समावेश होत असल्याने नावीण्यपूर्ण संकल्पनांचं सर्जन करणं सुलभ जाऊ शकतं.
स्पेस डिझाइन किंवा उपलब्ध जागेचं रुपांतरण नावीण्यपूर्ण अशा जागेत करुन त्याला सौंदर्यप्राप्त करुन देता येतच पण त्याचबरोबर त्याच्या उपयुक्ततेही मोठी वाढ करता येणं शक्य होतं..
फॅशन क्रिएटिव्ह या विषय घटकाच्या अभ्यासामुळे दृष्यात्मकतेची भाषा जाणून घेता येतं. यासाठी छायाचित्रण कला, फॅशन संहिता लेखन व स्टायलिंग या घटकांचा एकत्रीत समावेश करण्याचं कौशल्य प्राप्त होतं.
या विषय घटकांच्या ज्ञानप्राप्तीमुळे (१) फॅशन मीडिया व (२) व्हीज्युअल कम्युनिकेशन या दोन क्षेत्रासाठीचं स्पेशलायझेशन साध्य होऊ शकतं. विद्यार्थी स्वत:ची आवड, कल व गती लक्षात घेऊन सेशलाझेशनचं क्षेत्र निवडू शकतो. व्हीज्युअल कम्युनिकेशनचं स्पेशलायझेशन स्वीकारलेल्या विद्यार्थ्यांना लघुचित्रपट निर्मिती क्षेत्रात उंच उडी घेता येणं शक्य होतं. फॅशन मीडिया या घटकातील सेशलायझेशन स्वीकारलेल्या विद्यार्थ्यांना, सतत बदलणाऱ्या फॅशनची भविष्यवाणी किंवा नव्या फॅशन प्रवाहांची माहिती ग्राहक अथवा वाचकांपर्यंत प्रभावीरीत्या पोहचवता येतं. कम्युनिकशेन मॅनेजर पर्यंतचा प्रवास करणं सुलभ जाऊ शकतं.
डिजिटल माध्यमांच्या वाढत्या प्रभावाच्या काळात फॅशन कम्युनिकेटर, माहिती तंत्रज्ञान आयुधांचा वापर करुन प्रगतीची नवी शीखरे काबीज करु शकतात.
एक्सपिरीअंस डिझाइन, सेन्सरी डिझाइन, ऑगमेंटेड रिॲलिटी, व्हीज्युअल एक्सपिरिअंस डिझाइन, आर्टिफिशीअल इंटेलीजन्स, युझर एक्सपिरिअंस, या भविष्यवेधी विषय घटकांचा समावेश नव्याने करण्यात आलाय . त्यामुळे विद्यार्थ्यांना आणखी नव्या संधी सहजतेनं उपलब्ध होऊ शकतात.
ही पदवी तुमच्या हातात येताच तुम्ही कम्युनिकेशन उद्योगातील (१) व्हीज्युअल मर्कंडायजर, (२) ग्रॅफिक डिझायनर, (३) स्टायलिस्ट, (४) सेट ॲण्ड आर्ट डायरेक्टर, (५) जर्न्यालिस्ट ॲण्ड फोटो जर्न्यालिस्ट, (६) ब्रँड मॅनेजर, (७) फॅशन फोटो ग्रॅफर, (८) फाँट डिझायनर, (९) इव्हेंट मॅनेजर, (१०) कॉपी रायटर (११), व्हीज्युलायझर, (१२) कर्मशीअल फॅशन स्पेस डिझायन अशा संधींची दारं लगेच उघडी होतात. तुम्हाला चांगला मेहताना किंवा आजच्या कूल भाषेत सांगायचं म्हंटल्यास पॅकेज मिळू शकतं. अर्थातच तुम्ही नंतर किती सर्जनशील पध्दतीनं आपल्या ज्ञान व कौशल्याचा वापर करु शकता, हे लक्षात आल्यावर तुमची बॉस मंडळी तुम्हाला आणखी वरचं पॅकेज व पद देऊ शकतात.
करिअर संधी देणाऱ्या कंपन्या
(१) ख्रीस्तीयन डॉयर, (२) लाइफ स्टाइल, (३) बेनेटॉन, (४), शॉपर्स स्टॉप, (५), मदुरा गार्मेंटस, (६) मार्क्स ॲण्ड स्पेंसर, (७) टॉमी हिलफिगर, (८) इमेजेस, (९) लोपेज डिझाइन, (१०) मॅरी क्लेअर, (११) फ्री लूक, (१२) लिबर्टी, (१३) व्होग, (१४) एफडीसीआय, (१५) हार्पर्स बजार, (१६) टाइम्स ऑफ इंडिया, (१७) एनडीटीव्ही, (१८) फेमिना, (१८) एशीयन एज, (१९) एमटीव्ही , (२०) विझक्रॅफ्ट, (२१) हेडलाइन्स टुडे, (२२) टाइम्स नाऊ, (२३) ओगीलव्ही ॲण्ड मॅथर, (२४) परफेक्ट रिलेशन्स, (२५) लिंटास, (२६), वेस्टसाइड, (२७) रेमंड, (२८) ट्रीपोटो, (२९) मक्कान, (३०) उपासना डिझाइन स्टुडिओ, (३१) सॅमसंग, (३२) तनीष्क, (३२) लुई फीलीप्पे, (३३) प्युमा स्पोर्ट्स, (३४) स्वारोव्हस्की,(२५) फॉसील, (३५) बॉम्बे हाय, (३६) इंडस लिग.
अशा असू शकतात संधी
(१)फॅशन थींकिंग- (अ) डिझाइन स्ट्रॅटेजी, (ब) डिझाइन रिसर्च,(क) डिझाइन इनोव्हेशन,(ड) डिझाइन थींकिंग ,(इ) सिस्टीम थींकिंग
(२) स्पेस डिझाइन-(अ) स्टोअर किंवा सेट डिझाइन, (ब) एक्झीबिशन डिझाइन, (क) व्हीज्युअल एनव्हीरॉन्मेंट ॲण्ड एक्सपिरिअंस डिझाइन, (ड) व्हीज्युअल मर्कंडायजिंग/ व्हर्च्युअल रिॲलिटी/ऑग्मेंटेड रिॲलिटी
(३) मीडिया ॲण्ड डिजिटल डिझाइन- (अ) इन्फोग्रॅफीक्स, (ब) वेबडिझाइन,ॲनिमेशन, (ड) मल्टीमीडिया डिझाइन/ युझर एक्सपिरीअंस/ युझर इंटरफेस
(४)फॅशन जर्न्यालिझम- (अ) फॅशन एडिटर, कॉपी रायटर, (ब) फॅशन ब्लॉगर (क) फॅशन क्रिटिसीझम, (ड) फॅशन कॉलमनिस्ट
(५)फोटोग्रॅफी-(अ) फॅशन फोटोग्रॅफी,(ब) प्रॉडक्ट फोटोग्रॅफी (क) डाक्युमेंट्री डिझाइन (ड) व्हीडिओग्रॅफी/शॉर्ट फील्म,
(६) फॅशन स्टायलिंग-(अ) ट्रेंड ॲनॅलीसीस, (ब) ट्रेंड
फोरकॉस्टींग,(ड) फील्म सेलीब्रेटी स्टायलिंग/कॉस्चुम स्टायलिंग,(ड) इलुस्ट्रेशन डिझाइन, (इ) पोर्ट फोलिओ डिझाइन,
(७) व्हीज्युअल कम्युनिकेशन-(अ) ब्रँडिंग, (ब) टाईपफेस आयडेंटी, (क) ॲडव्हर्टायजिंग / पब्लीकेशन
प्रवेश प्रक्रिया
(१) हा चार वर्षे कालावधीचा अभ्यासक्रम कोणत्याही शाखेतील १२ वी उत्तीर्ण विद्यार्थी करु शकतो. १२ वीमध्ये या विद्यार्थ्यास उत्तीर्ण श्रेणीमधील गुण मिळायला हवेत. (२) या अभ्यासक्रमाच्या प्रवेशासाठी जनरल ॲबिलीटी टेस्ट (जीएटी/गॅट) व क्रिएटिव्ह ॲबिलिटी टेस्ट(सीएटी/कॅट) द्यावी लागते.
(३) या पेपरमध्ये पुढील घटकांवर प्रश्न विचारले जातात-(१)कम्युनिकेशन ॲबिलिटी/संवाद कौशल्य (प्रश्न-३०),(२)इंग्रजी कॉम्प्रीहेन्शन/इंग्रजी आकलन(प्रश्न -३०, (३) क्वांटिटेटिव्ह ॲबिलिटी/संख्यात्मक क्षमता (प्रश्न -२०), (४) ॲनॅलिटिकिल ॲण्ड लॉजिकल ॲबिलिटी -विश्लेषणात्मक व तार्किक क्षमता (प्रश्न -२५), (५) जनरल नॉलेज,करंट इव्हेंट्स/सामान्य ज्ञान ,चालू घडामोडी (प्रश्न -१५), कालावधी दोन तास.
(४) या पेपरमधील गुणांच्या आधारावर गुणवत्ता यादी तयार केली जाते. या उमेदवारांना सिच्युएशन टेस्ट द्यावी लागते. त्यानंतर अंतिम निवड केली जाते. विद्यार्थ्याचे ज्ञान,कौशल्य व कल तपासाण्यासाठी या परीक्षेची संरचना करण्यात आली आहे.
(५) कॅटला २० टक्के, गॅटला ५० टक्के व सिच्युएशन टेस्टला ३० टक्के वेटेज दिलं जातं.
(६) महाराष्ट्रामध्ये या परीक्षेची केंद्रे, मुंबई, पुणे, ठाणे व नागपूर येथे असतात.
संपर्क-www.nift.ac.in, ईमेल-nift@nta.ac.in, दूरध्वनी- एनएटीए-०११-६९२२७७००, एनआयएफटी- ९१३००७५५९३
सुरेश वांदिले
- प्रस
- ऋ()
- त्रऋ()
- त्रऋ()
- त्रऋ()
- त्रऋ()
- त्रऋ()
- ००सासयायv
g consultancy project.
Classroomv’kk